CLARK FREEPORT ZONE – Pinarangalan kamakailan ng Civil Service Commission o CSC ang mga natatanging ahensya ng gobyerno at lokal na pamahalaan sa Gitnang Luzon.
Ayon kay CSC Regional Director Nelson Sarmiento, layunin nito na bigyang inspirasyon ang bawat empleyado ng gobyerno na pataasin pa ang kalidad ng kanilang trabaho at paninilbihan sa publiko.
Ginawaran ng Program to Institutionalize Meritocracy and Excellence in Human Resource Management Maturity Level II ang pamahalaang bayan ng Sta. Maria sa Bulacan, Plaridel Water District ng Bulacan, at pamahalaang lungsod ng Balanga.
Pasok naman bilang semi-finalist ng CSC Pag-asa Award si Baliwag Water District General Manager Artemio Baylosis para sa individual category at ang The Synergist ng Munisipalidad ng Bulacan para sa group category.
Nagtamo ng mataas na marka sa 2015 Anti-Red Tape Act Report Card Survey ang pamahalaang lungsod ng Olongapo; at Philippine Health Insurance Corporation Local Helath Insurance Offices sa Iba, Zambales; lungsod ng Balanga; lungsod ng Olongapo; lungsod ng Cabanatuan; Sta. Maria, Bulacan; lungsod ng Malolos; at lungsod ng San Fernando at maging ang mga Express Offices sa Nueva Ecija, Marquee Mall, at Pampanga Business Center.
Kinilala rin ang mga opisina ng Land Transportation Office kabilang na ang Nueva Ecija Licensing Center, Baloc District Office in Nueva Ecija, Capas Extension Office in Tarlac, Sta. Maria Extension Office in Bulacan, Balanga Extension Office in Bataan, San Fernando District Office in Pampanga, at Angeles District Office.
Awardees naman mula sa Bureau of Internal Revenue ang mga Revenue District Offices ng North Nueva Ecija, Subic Bay Metropolitan Authority, North Pampanga, South Pampanga at Paniqui sa Tarlac.
Tumanggap din ng kahalintulad na pagkilala ang mga opisina ng Land Registration Authority sa mga lungsod ng San Jose, Angeles, at Tarlac at maging ang tanggapan ng Philippine Statistics Authority Office sa Bulacan.
At panghuli, kinilala rin lahat ng branch ng Home Development Mutual Fund, Government Service Insurance System o GSIS, at Social Security System o SSS.
Samantala, umaani ng 3 Star Award ang GSIS, Iba, Zambales habang 5 Star Awardee naman ang SSS Mariveles para sa Citizen Satisfaction Center Seal of Excellence Award. (CLJD/TJBM-PIA 3)