>Kung wala kang tinatago, wala kang alalahanin! >Kalakaran sa reclassification ng lupa, nakakatuwa!

Oo nga naman mga dear readers, ayon kay Ombudsman Morales “If you have noting to hide, you have nothing to fear” (how profound can this statement get?). Isang napakatutuhanan na kasabihan na hindi lamang sa ating Pangulong Digong maiuugnay kung hindi sa lahat ng mamamayan lalung-lalo na sa mga opisyal ng gobyerno na naglilinis-linisan, yun bang mga nag iipokrito-ipokritohan ngunit sa tunay na buhay ay ubod ng ganid at gahaman. Ano ang ibig kong sabihin? Katulad halimbawa ng isang kaibigan ko na kasalukuyan ay nagnanais na makapag-patayo ng isang agri-based business (poultry) sa isang bayan sa probinsya ng Tarlac, kaya nga lang ang naka-ugalian o naging kalakaran o usual practice pag-dating sa land reclassification ng lupa from agricultural land into agro-industrial ay nagbibigay ng pira, suhol, lagay , patong (call it what you want to) ang mga nagpapa-reclassify ng lupa. Siguradong walang aaamin nitong ganitong kalakaran bagamat ito ay isang open secret ika nga, kaya kahit na ito ay i-deny ng mga opisyal ay isa itong factual practice o kalakaran.

Ano ba namang klaseng kagaguhan ito mga dear readers? Bakit, iligal na ba ngayon ang magpatayo ng poultry? Mayroon naman ng zoning sa nasabing lugar, OK naman na sa barangay officials at mga kalapit na residente, so ano pa ang problema? Isang nararapat na ministerial function na dapat na gampanan ng konseho o municipal council ay tinetengga pa hanggang sa kasalukuyan. Hi! Hi! Hi!

Ang hindi nauunawaan ng mga magagaling na opisyal na ito ay ang kanilang kapangyarihan ay hindi nila dapat gamitin para sa korapsyon, hindi sila dapat na magsamantala. Una sa lahat ay nangako na ang aking kaibigan na magmumulta siya sa takdang panahon kapag OK na ang lahat. Hindi naman humihingi ng exception ang aking kaibigan at ang kanya lamang pakiusap ay palugit o konting panahon at kapag malapit na siyang mag-construct ay kanyang tutuparin ang kanyang salita. Alam naman ninyo na mayroon pa yang construction phase na aabutin pa ng mga 4 months at least. Pangalawa ay, ito bang mga magagaling na opisyal na ito ay tunay na mga malilinis at walang mga kalokohan o sablay sa kanilang mga past dealing? And what about future dealings/transactions in general?
Kaya nais ko lang i-share sa inyo ang isang kasabihan na “people who live in glasses houses should not throw stones.” Patay nanaman ako at ita-translate ko pa ito. Sa tagalog, ang ibig sabihin nito ay huwag kang mambubutas at magpahirap ng kapwa mo kung mayroon ka ring butas at dumi at baka mabuweltahan ka. Hi! Hi! Hi! Isang simpleng paalala lang naman mga mahal na kinaukulang opisyales.

Pangalawa ay hindi lang naman iisa ang araw at sa halip na ang inyong patakaran sa politika ay ang sinasabing “politics is addition” ay baka politic is division ang inyong pananaw at mailutang at ma-expose pa ang lahat ng mga sinasabing “skeletons in your closet.” Patay nanaman ita-translate ko na naman sa Tagalog ang ibig sabihin ng skeletons in your closet. Ang ibig sabihin nito ay yun bang mga hindi kanais-nais na mga bagay na inyong ayaw ipaalam sa publiko ay ma-isasapubliko, personal or otherwise. Alam naman ninyo that public officials are considered public property and that transparency is key. Hi! Hi! Hi!

Natatawa na lang ako sa inyo at mukhang nalalasing na kayo sa kapangyarihan. OK lang kung mga high ranking officials kayo katulad halimbawa ng isang Senatong pataas (kung saan magkakaron din sila ng katapat), ngunit kung isang opisyal ka sa Munisipyo aba eh, baka nakalimutan mo na yung kasabihan na “yun langaw nakatun-tung lang sa kalabaw akala na niya mas malaki na siya sa kalabaw.” Hi! Hi! Hi!

Ngayon, ano ba talaga ang inyong politics, is it addition or division? Ano ba talaga ang lakad ninyo puros pan-sariling kapakanan at interes lamang, o mayroon din kayong kakayanang umunawa at magbigay ng konsiderasyon sa isang starting businessman na hindi naman bigtime?

AGA AMO TAYON!
NALPAS!

You May Also Like

Leave a Reply

Your email address will not be published. Required fields are marked *